王祖藍事先張揚帶女友開騷
王祖藍擔任朱咪咪演唱會嘉賓，和阮兆祥齊扮嘢發放笑彈。祖藍表示要為其演嘢會向朱咪咪偷師，又揚言女友會出席捧場，呼籲記者落足眼力找尋女友芳蹤！
前晚祖藍和祥仔在《朱咪咪唱爆再玩轉紅館演唱會2010》中，分別化身哥哥及蔡楓華，跟扮「谷胸梅艷芳」的朱咪咪鬥搞笑。模仿力超強的祖藍，是晚明顯收斂，造型方面未聞「哥」味，只梳了個雞冠頭及穿黑衫、褲，但當他和祥仔、朱咪咪合唱及交戲時，仍然笑爆全場。
唱閩南歌爆粗
祖藍表示正忙於綵排七月三十及三十一日假伊館舉行的《咪咁扮嘢王祖藍演嘢會》，是次為朱咪咪演唱會任嘉賓純粹「偷師」。問其女友會否出席他的演嘢會捧場？他笑說：「全場五千人，搵到佢就叻，（係咪唔見人住？）未會曝光住。」他又說如自己「冧咗」，可考慮搵妹妹代替頂上。問他可會請嘉賓？祖藍就想一個人由頭演到尾，P:暫不考慮請嘉賓。
朱咪咪雖然年屆「五張幾」，但穿上多套低胸晚裝時，其「事業線」亦令人眼前一亮，最搞鬼是她將歌迷的利是塞進左、右兩邊巨胸內，她解釋：「左邊係自己袋，右邊係要回水（分錢給工作人員）。」當她演繹閩南歌《舞女》時更玩諧音爆粗。演唱會至十二時零五分才完場，超時罰款六位數字。
另外，朱咪咪和李香琴、盧海鵬為《審死官》舞台劇宣傳時，炮轟政府不批場地給舞台劇加場，她說：「又話撥一億推動文化活動，透明度唔高，似黑箱作業。」
採訪：音樂組