周秀娜師妹新八模兵團連環爆是非，昨日網上流傳「翻版楊怡」余曉彤（Hidy）背大隻男友的攬仔照，更被爆早已有拍拖多年的圈外男友Willian Lau。只見喜歡夜蒲的她面紅耳熱地與型男合照兼作狀送吻，Hidy回應時直認很男仔頭：「唔介意玩得埋啲，男友都識佢哋，拍拖四年冇刻意收埋，男友之前都係Model。」
此外，新八模另一成員何佩瑜（Jeana）被疑整容，網上流傳多張新舊對照，指她07年開始「唔同樣」，原本面闊鼻扁，卻神奇地變得面尖鼻高，加上伊人曾公開謂不反對整容，令傳聞甚囂塵上。Jeana昨日在電話中笑言：「因為我以前有個意大利男友，所以有pizza面，飛咗佢之後有個北京男友，鍾意食刀削麵，所以尖面啲。（默認整容？）其實嗰時個樣仲細，都未大定，遲啲可能變得仲勁。」