Ana R.冇仔陪 愁爆掃貨
每次拍拖都會盡情投入嘅Ana R.，自從同「翻版蓋特納」David分手後，感情至今未有着落。喺冇拖拍呢段日子裏面，Ana只好搵好姊妹陪行街解悶。
早排傍晚六點幾，八太又喺銅鑼灣見到着住件間條斗篷款式上衣、包到冚嘅Ana，同一個女性朋友喺佢屋企附近出現。Ana全程愁眉苦臉，好似滿懷心事咁。家有愛犬嘅Ana，當日去咗寵物店買咗少少嘢之後，就去咗附近一間超市掃貨。入到去，Ana第一時間拎咗個購物籃同個朋友四圍行，唔使一陣，佢哋已攞住零食、飲品同埋幾個生果去收銀處找數，之後一齊行返去Ana景隆街嘅香閨。