薛凱琪掛住發夢唔認人
自「版稅事件」爆發後，四大唱片旗下藝人為保持曝光率，惟有透過亞視、有線等其他渠道亮相，繼謝安琪擔任有線娛樂台心理遊戲節目《操控者》首集嘉賓後，日前薛凱琪（Fiona）及孫耀威則擔任壓軸一集嘉賓。
主持人陳啟泰笑指一眾嘉賓湊巧有對大眼睛，其中Fiona笑指此「特徵」經常令她擺烏龍︰「成日有熟人迎面走過嚟，我都見唔到，因為我成日都發緊夢。」及後Fiona還被要求透過電話向陌生人介紹浪漫餐廳，不消一會Fiona便成功，事後她自爆是玩電話高手，十多歲時已在家「練習」，單是玩電話已可用一整天時間，更謂︰「我係獨女，媽咪又唔畀我出街，咪成日喺屋企玩電話囉！」