周秀娜心口控球力敵爛tee乃
周秀娜繼大前晚被12名師妹水戰圍攻後，昨日再同門內訌，當中兩名師妹Hailey C.和Annie G.，竟夥穿上爛T恤的「外人」木村乃圍剿這位師姐，不過周秀娜仍施展渾身解數，臨場加插一招心口控球，成功搶回不少風頭。
大前晚周秀娜以師姐身份，率領12名師妹赴澳門玩水着派對，卻冷不防被眾師妹性感搶鏡。昨日周秀娜以評判身份出席在尖沙咀中心及帝國中心舉辦的「球迷版另類花生騷」，穿上黑色bra top配短褲的她，面對同場的師妹Hailey C.、Annie G.，以及李蘊、E cup baby劉欣宜等個個騷腰示人，木村乃更將身上的tee剪爛變成低胸裝搶風頭，幸周秀娜早有準備，將短褲褲頭摺低一點，令短褲變成低腰款式，加上突如其來的心口控球，成功搶回群眾目光。
踢波論盡
剛度過25歲生日的周秀娜，表示仍未收到男友的生日禮物，她說：「我好鍾意一個C字頭名牌手袋，男友搵咗好多空姐朋友幫手喺世界各地搜羅，但最後都搵唔到，我咪自己買咗一個H字頭嘅名牌手袋，男友話當係佢送嘅，但佢到依家仲未畀番錢我。」
對於剪爛tee搶鏡的木村乃，即場呼冤否認自剪，她說：「我嚟到，係大會幫我剪爛件tee，唔係我剪架！」成為全場最性感的木村乃，在場接受足球員陳耀麟教控球時，表現最積極，更用手拍陳的肩膊，惟陳對於眾女踢波時論論盡盡，忍不住說：「你哋波快過人啦！」
採訪：名人組