官恩娜午夜夢迴怪聲纏身
官恩娜（Ella）前晚出席活動，與在場人士分享靈異經歷，不諱言向來膽小，平日也要於猛烈太陽下才敢聽鬼故事，沒料如今要變成「講古婆」，令其不禁毛管戙。
Ella透露十年前經常帶愛犬夜訪友人家，間中更會借宿一宵，她說：「有一晚我洗面後，突然見有個黑影出現，之後隻狗就跟住出去，其實當時屋內係冇人，真係好驚，隻狗有時對住牆吠，朋友仲笑我平日咁忙，既然有人同佢玩就好囉!」Ella更試過睡到半夜，被一把聲音纏繞，還不停叫她，雖然想掙扎離開，但全身卻動彈不得，她說：「呢個陰影到依家都揮不走，有時去酒店瞓就特別驚，要戴耳塞或者搵嘢遮住耳仔先敢瞓。」
