衞蘭（Janice）昨日跟師弟李治廷出席公開活動，她透露今年十月將於紅館舉辦演唱會，事隔三年再開騷，Janice表示心情未有太緊張，問到會否邀請妹妹衞詩上台，Janice說：「希望啦，希望全部家人同朋友都一齊嚟睇！（為個唱積極減肥？）我做運動係想練好體能同埋練氣，好想畀年輕人一個正面、健康形象，唔會為咗瘦而去減，公司都冇畀壓力我。」
