周汶錡懶理張苡澂結婚贈興
前晚周汶錡、Rosemary、Cara G.、陳姿允等出席上海灘的Simon Birch「Hope & Glory」閉幕酒會，周汶錡被問到曾與她男友當街激咀的前歌手張苡澂選正她生日當天結婚，會否覺得對方贈興？她聞言即煞有介事不願多提：「係咩，我唔知！我唔識呢個人！好似你哋清楚啲！不如你哋問番佢啦！」
至於她何時結婚及父親有否催婚？她說：「我爸爸冇催我！」至於今年書展不出書是否要避開o靚模胸戰寫真集？她說：「唔係！只係舊年出書有其他合作！今年冇！」
Rosemary表示與印度籍男友正在發展中：「慢慢來！畀長時間睇！依家佢響香港，可以多啲時間一齊！」又表示經過多次戀愛失敗對感情已有不同體驗。而ball場常客陳姿允前晚以大會送出的彩布，為自己設計一件露肉晚裝，非常性感。