梁政珏高海寧接令征南非
世界盃即將開鑼，無綫斟李克勤做主持未許樂觀，眼見o靚模熱勢不可當，即變陣派出「雙咪神」高海寧和梁政珏「出戰」世盃，力吸宅男觀眾。將遠赴南非個多月的高海寧，同時宣布休戰泳衣騷，預計損失六位數字收入。
四年一度的世界盃盛事，將於下月十一日在南非揭幕，無綫可播映四場主要賽事，本來有李克勤這位鐵腳助陣安枕無憂，豈料四大唱片的糾紛仍未解決，一切無法落實。然而世界盃揭幕已進入倒數階段，無綫實行輸人不輸陣，找來「咪神」高海寧和梁政珏以「波」會友，藉此吸引男球迷。
放棄六位數字
據知無綫藝員科原本為高海寧接了一連串的泳衣騷，單是收入已有六位數字，但由於要配合世界盃的節目，只好忍痛放棄吸金良機，並定於下周六起程往南非拍攝世界盃特輯，預計要逗留個多月。然而高海寧大方表示不介意：「其實之前都同經理人傾過，如無必要都唔會接泳衣同內衣騷，最近已搵咗廖啟智教我演戲，希望可以多啲內在嘢畀觀眾睇。」
能去南非睇世界盃，高海寧認為是難得的好機會，她說：「呢個可能係好多人一生嘅夢想，除咗會入場睇賽事外，仲會拍攝現場氣氛畀大家睇。（擔唔擔心治安差？）全隊人得我一個女仔，大家會保護我，好安全。」至於梁政珏上周已聯同曹永廉出發，拍攝前奏特輯。
此外，高海寧前晚為慈善節目表演，身穿密實印度西施裝，她解釋：「件衫係公司為我度身訂造，因為綵排時有啲走咗出嚟（指胸部），所以加高咗領口位。」
文：專案組