狄易達疑魂照嚇親粉絲

達仔前日下午接受港台節目《有冇搞錯》訪問，約四時四十七分將一張「完成港台訪問」的相片上載到微博跟歌迷分享，不少歌迷留言指相片有靈異鬼影，發現DJ彭詠儀（Morle）背後的袋上出現一個陰影位，驚見疑似一個外籍男嬰的頭，此言一出立即引起哄動，議論紛紛。在場的Morle亦留言表示：「我都覺，不要搞我！我不要！」

同事整蠱

本報致電身在澳門工作的達仔，他說：「我上載嗰陣都唔知咩事，只係用我同事部iPhone影相，之後就upload上微博，後來見到咁多歌迷留言，先見到有個陰影。後來我問番同事，原來佢用iPhone個apps做手腳，係佢整蠱我。」

口供唔夾

雖然達仔矢口否認，但Morle回應時指當時達仔借用助手的iPhone影相後，即時就將相片上載微博，「做手腳」機會甚微。她說：「我上網見到張相都嚇一嚇，後來睇耐少少，就覺得係角度問題。（有咩異樣？）當晚我同達仔都覺得好攰！」同場的兩人前後口供矛盾，未知達仔是否擔心引起公眾恐慌而掩飾事實！

另外，有網上電台日前亦發生靈異事件。有男性工作人員晚上如廁時，聽到一把女聲叫：「喺呢度屙啦！」事後兩位電台DJ利用「探靈棒」測試，結果顯示的確有「靈界分子」於男廁。

文：音樂組