毛舜筠感激陳曦齡救命之恩

毛舜筠（毛毛）昨日以代言人身份，出席「維特健靈健康產品」之廣告首播禮，當中介紹「毛舜筠－青春、健康、美麗秘方」。毛毛於席上透露，今次做代言人未有收酬勞：「其實今次做代言人係因為同陳醫生（該品牌董事長陳曦齡）識咗十幾年，佢係我屋企家庭醫生，大家好老友，之前豬流感時，我細女中咗招，全港私立醫院都唔收佢，當時好徬徨，於是打畀陳醫生，佢凌晨十二點幾即刻出嚟幫我，所以好感動，佢係我個女救命恩人。（做代言人冇收酬勞？）陳醫生畀咗好大封利是我。（有冇sponsor？）其實一直都有。」而問到毛毛會否擔心近日流行的腸病毒？她表示最重要先強壯自己身體，就可以百毒不侵。