黃長興激動：我唔會靠女人！
早前有消息指黃長興認識一名六十餘歲的餐館老闆娘，對方更給他本錢開法國餐館，昨日二人於同一場合現身，雖大方應要求合照，但表現得頗為避忌。
鄭裕玲（DoDo）、陳百祥、衞蘭、李治廷、苟芸慧、張嘉兒及黃長興等，昨日出席無綫籌款節目舉行拜神儀式。而早前黃長興被指認識的泰國餐廳老闆娘徐美琪，亦在現場，他們將為節目表演拉丁舞，二人席上應邀合照時，起初表現得頗為避忌，合照時亦分得頗開。
跳舞不會感尷尬
談到有關老闆娘的報道，長興沒好氣地說：「內容係假，徐小姐都有法律行動，我哋冇為呢件事傾過，但佢話會處理。」對於被指要靠女人照顧，長興顯得頗為激動，並說：「我細佬唔識出聲，唔代表我唔識，（跳舞會尷尬？）唔會，其實上年都合作過，我會自己搵錢，唔會靠女人。」
至於徐美琪，她於席上表現，明顯有備而來，她表示自己清者自清，與長興跳舞亦不會感到尷尬：「我哋係大人做大事，呢件事交咗畀律師處理，今日做善事，唔好講呢啲嘢！」
DoDo力撐唐貝詩
另外，有關唐貝詩近日引起的風波，身為契媽的DoDo笑指是「盆景裏的風波」！並表示希望網友不要再說。問到寇鴻萍現時心情？她說：「教女係咁。（寇鴻萍話你雪中送炭？）我做應該做的事，針對事唔係針對人，我都唔係好契媽，見過唐貝詩唔夠十次，冇盡責任，（盡番責任？）冇時間，要享受人生。」而寇鴻萍昨日發出兩張家中飼養貓兒相，以示一家人都愛貓。
文：影視組