霍汶希險被祖兒燒廚房

霍汶希（Mani）昨日與愛將詩雅齊齊現身小廚神烹飪比賽擔任嘉賓，精於廚藝的Mani親手下廚炮製健康炒蛋，詩雅則在旁充當助手。Mani大爆英皇旗下藝人廚藝麻麻，當中以容祖兒最「唔得」，Mani說：「唔止係唔好食，仲會釀成火災，試過燒熔咗我半隻鑊，因為佢唔記得熄火。」
Mani與詩雅齊齊為小朋友下廚。
Mani與詩雅齊齊為小朋友下廚。

詩雅就賣口乖表示想向Mani偷師，但因工作繁忙，惟有延遲大計，她說：「最希望識煮唔同嘅湯，但呢排忙緊宣傳兩套新戲同拍廣告，所以遲啲啦！」詩雅又透露新廣告中與影帝張家輝合作晒肩上陣：「係紓緩疲勞嘅產品，第一次同家輝合作，初初好緊張，但佢真係好專業同Nice，另一個係飲品廣告。」

詩雅幫忙整炒蛋，顯得有點雞手鴨腳。
  • 詩雅幫忙整炒蛋，顯得有點雞手鴨腳。