近年不少女藝人及o靚模被質疑隆胸，要驗證真偽絕非難事。整形外科專科醫生黃偉康表示，隆胸後的胸部會比正常人堅挺，他說：「基本從外觀上都睇得到，因為有啲人隆得比較誇張，企喺度會反地心吸力，即使唔戴神奇Bra，乳房上部都會好豐滿。」而隆胸後一般會留有疤痕，黃醫生續說：「我哋會喺腋下、乳暈邊、肚臍或乳下腺開刀，手術後會留約2.5cm嘅疤痕。」
除此之外，用手觸摸亦可以驗到是否曾隆胸，黃醫生解釋：「一般人常用鹽水袋或矽膠袋，但收縮後摸落會有啲硬，如果打透明質酸就感覺會自然啲，但最多升半cup，而且要每年打一次，主要喺乳腺之下，但隆胸後照x-ray都無所遁形。」