何傲芝傷愈即揸車
上周駕緋聞男友林溥來座駕發生車禍受傷的何傲芝，昨日在妹妹何傲兒陪同下，返回電視城復工，拍攝節目《東張西望》。期間，何傲芝表示右手傷勢未完全好番，右手只有手指可以郁動，所以感覺十分不便。
她說：「要請妹妹做助手，爸爸就做柴可夫司機，依家妹妹有時都會餵我食嘢，其實呢件事後令我多留喺屋企，同家人關係更加好，都算因禍得福。」
此外，問到何傲芝會否賠番架車給緋聞男友？她謂：「唔知架車有冇買全保，不過我樂意作任何賠償。（對方有冇叫你賠？）冇，但係我都會賠。（車禍造成陰影？）原本打算一、兩年唔揸車，不過爸爸話要克服，所以我好番會即刻試揸車。」