克勤二老闆叫力司有Power
李克勤昨日出席「森之狂熱」迎世盃活動，屬廿四孝老竇的他一提起兩位愛兒即流露冧樣，滔滔不絕的大談「二老闆」Rex，他說：「佢叫李力司，係我同老婆睇咗佢係咩樣先改嘅，同命理無關，我哋貪個名筆畫少，同哥哥（李立仁，Ryan）一樣，加上佢個樣好粗獷，好有Power，唔同哥哥個樣咁斯文。」
阿倫豪送天使玉墜
問到克勤可會為Rex搞百日宴，他透露早在兒子滿月時已在家中擺滿月酒，只雙方長輩及親友到賀，不過圈中好友亦紛紛送上大禮，包括有汪明荃和羅家英送玩具，阿倫最豪，他說：「送鑲滿碎鑽嘅天使玉墜，閃閃發光，係同Ryan嘅成一pair，今次就多咗碎石，可能阿倫南征北伐（做演唱會）多，所以好闊綽。」克勤又說雖然細仔受萬千寵愛，但大仔未見呷醋，Rex沖涼及換片時，Ryan會幫手拎毛巾及尿片，有時又錫細佬，只是太細未能抱抱。
問他無綫可有再邀亮相世界盃活動？克勤無奈說唱片公司和無綫的合約尚未傾妥，但關係已現曙光，他稱：「聽Duncan（唱片公司高層）話有啲進展，但唔敢細問，其實我係菲傭，隨傳隨到，今日傾掂，聽日咪做。」但相信世界盃前仍未有共識。
採訪：音樂組