何倍倩書展鬥o靚模出淇制勝
恒生銀行已故創辦人之一何善衡的孫新抱何倍倩（Anina），將在書展火併一眾模，以慈善為首的Anina表示會將售書所得全數捐予徐子淇的智行基金會，未知子淇到時會否出席助一臂之力。
何倍倩、葉梁美蘭、中港照相器材集團主席孫大倫兒子孫道弘與太太鍾婉琪、郭炳江太太Wendy、趙式和與老公、艾永玲等前晚出席Chanel高級珠寶酒會，Anina表示兒子七個月大已23磅，是超級肥B，現買衫及鞋都要買2、3歲的尺碼，她說：「抱住BB好辛苦，好似舉啞鈴，就當做運動。（會唔會追多個？）都會，希望可以生個女。」Anina繼又表示美容新書將在書展推出，問她到時可怕被o靚模搶客？她說：「佢哋有自己嘅追隨者，我主要吸引一班鍾意扮靚嘅女士，今次出書係為慈善，會捐畀徐子淇嘅智行基金會，希望可以賣到二千本。（到時子淇會否嚟捧場？）未定。」
鍾婉琪全職湊仔
同場，律師出身的鍾婉琪與老公孫道弘前後腳到，鍾婉琪表示現是全職湊仔媽媽，兒子已一歲大，會繼續努力造人，她說：「希望可以生3至4個，我哋鍾意大家庭，人多熱鬧。」對於珠寶，她透露老爺與老公均愛收藏，而她與奶奶平時會拿收藏品佩戴。而孫道弘則謙虛表示冇錢收藏珠寶，有錢都用嚟買樓先。
文：名人組