吳彥祖狂咪書緊張失眠

英皇電影《鎗王之王》將於7月1日上映，宣傳初期的焦點多放在兩位男主角古天樂及吳彥祖身上，不過近日兩位女角李冰冰跟蔡卓妍（阿Sa）的劇照終於曝光，更分別跟古仔有咀戲！當中李冰冰與古仔深情一吻，表現肉緊，阿Sa則蜻蜓點水式跟古仔輕碰雙唇，甜蜜非常。

鬥槍法同心理

不過吳彥祖就沒有如此艷福，更透露拍攝該片期間緊張失眠。他表示：「我同古仔唔止鬥槍法，仲要鬥心理，好難，令到成部戲好有張力。我要睇一啲犯罪心理學嘅書幫助入戲，一邊睇一邊覺得好緊張，仲有失眠！」不過他亦坦言：「一定要做足功課，多啲了解。」

代入罪犯身份

另外，方中信於戲中飾演在2000年拍攝《鎗王》時的角色，協助吳彥祖破解案情，其中一幕講到方中信要將自己代入罪犯身份，更要做到情緒失控，吳彥祖大讚對方演技說：「我見到方中信同自己做對手戲，情緒失控，尖叫流淚，甚至將槍指住自己，簡直係演活咗個角色！」

吳彥祖為投入角色而緊張失眠。	古天樂在戲中分別跟阿Sa及李冰冰咀嘴，好好艷福。	放大圖片

文：影視組