周秀娜冇仔敢埋身

周秀娜昨日出席tvb.com網上節目《10分試愛》記者會，在節目中她會與葉念琛擔任主持，向單身男、女參加者獻計，說到成為「愛情顧問」，周秀娜說︰「我唔係，都試過愛情失敗，跌得多就有經驗，我覺得香港啲男女好多條件都唔差，唔知點解身邊好多女性朋友都搵唔到男朋友。」她表示自己只拍過兩次拖，沒拍過散拖，並謂未試過「一夜情」，有人即謂試過都不會認，她即說︰「真係冇！我好少接觸男性朋友，出去玩都係全部女性一齊，身邊太多女仔，男仔都唔敢埋身。」