阿嬌出事劉鎮偉淚盈盈

提到難忘生日，劉鎮偉自爆兩年前在加拿大過生日，阿嬌於早上已急不及待越洋致電祝賀，兩人談了很久，言談間不覺阿嬌有異樣。

聽完跑出餐廳喊

但當劉鎮偉晚上與友人食飯慶祝時，才得悉一向視為女兒的阿嬌發生大事：「我問朋友香港城中熱話係咩，佢哋就將阿嬌嗰件事話我知，我聽完即刻跑出餐廳喊！佢發生咁大件事，但電話入面就隻字不提，仲好樂觀咁向我問好、祝賀，點會令我唔心痛呢！」

阿Sa外公病情好轉

在旁的阿嬌聞言亦忍不住流淚，不諱言雙方透過合作產生了一份親情：「今次行程導演已經令我喊咗不下三次，好驚之後再係咁，搞到眼腫就唔知點算。」

而阿嬌好拍檔阿Sa在微博表示，外公病情已好轉，多謝大家祝福。

此外，曾與阿嬌合作電影《公主復仇記》的彭浩翔，最近憑電影《志明與春嬌》入圍意大利陶米納國際電影節競賽部分。阿嬌於微博恭賀之餘，還封他為年輕版王家衛。女主角楊千嬅亦興奮表示：「估唔到呢套係三級片，喺外國人眼中都會有共鳴感覺。」

文：影視組