今期gag神請到英皇索女詩雅出題考智慧，今次接受挑戰嘅阮小儀表現最醒，孫耀威就靠有人提水符碌過關，唯獨被陳偉霆嘲笑低B嘅G.E.M.因為求助無門，結果宣布投降。
題目：甚麼東西比烏鴉更討厭？
G.E.M.：係乜嚟呀？有冇貼士？（由五官開始諗啦。）吓！眼、耳、鼻，仲有面囉。（全錯，仲有呢？）冇啦，唔估啦，答案係乜呀？（烏鴉嘴呀。）吓，我頭先冇噏過嘴咩？明明有，唔該幫我寫番我有講個「嘴」字呀，哈哈。
阮小儀：咩嚟o架？係咪烏鴉嘴呀？有乜比烏鴉更討厭呀？森美囉！（你答中烏鴉嘴！）係咩？我唔信，我覺得應該係森美，因為森美比烏鴉嘴更討厭！
孫耀威：我估係（一副出力諗樣）……（經過嘅李克勤搭嘴話係烏鴉嘴。）係囉，答案係烏鴉嘴。（克勤幫你，都唔係你估。）係囉，我都係估烏鴉嘴。
答案：烏鴉嘴
