6號得罪「女人」印象最深
樂隊RubberBand主音6號自小從澳門移居香港，對於「鄉下」印象就只停留在童年時代，記憶中有趣事、有玩伴亦有不為人知的美食，不過最令6號深刻的竟是一個女人——「怪婆婆」。
6號與同門師兄小肥同屬澳門人，而與小肥不同之處，6號已無親人於澳門居住。七歲時舉家移居來港的他，對故鄉印象如童話一樣。他說：「嗰段時間好似真空咗咁，澳門對我嘅感覺就係『童年』囉，依家每次返去都好似坐時光機咁。」
大部分人由香港直達澳門，通常會搭噴射船，但6號則說：「最想搭直升機返澳門，因為其實我有少少暈船浪，真係有問過幾錢o架，都幾貴！如果真係搭直升機去做嘢，隨時白做都似，但都好希望試一次。」
電兔當真兔
對6號來說，澳門充滿童年回憶。住在石屋區的他，常常與友人周街玩樂，與鄰居感情要好，唯獨「怪婆婆」就令他心慌慌。他說：「嗰個婆婆出咗名好得人驚，有次我踩住三輪車去到佢門口竟然翻咗車，雖然佢冇行出嚟，但嗰一刻真係好驚，好似拍緊恐怖片咁，我用盡最後一分力先抬番起o架車，之後極速逃走。其實依家諗起真係好好笑。」
另外，澳門的賽狗亦令6號印象深刻：「點解咁記得？最主要唔係睇啲狗仔鬥快，係細個嗰陣屋企人呃我，引啲狗跑嗰隻『電兔』真係兔仔，大個先知只係個儀器。」
文：音樂組