姚予晴斥宅男(目及)胸低俗

o靚模拋胸成為熱潮,露肉寫真集亦成為宅男的「戰利品」,姚予晴直斥只注視女性的胸部相當冇內涵,將性感變粗俗。

殿堂級品牌Chanel昨日舉行名為「18 Vendome」全新高級珠寶展,展示共兩億元的珠寶。展覽會上採用了十五萬件共重廿噸的八角形亞加力膠,建造成法國著名的凡登廣場外貌。而名模姚予晴(Mikki)、Lisa S.、戴小奕、張靜等就獲邀行騷。

戴上珍珠系列的Mikki表示與珍珠特別有緣,她說:「好多時行珠寶騷,啲人都分珍珠畀我戴,我好鍾意今次呢套首飾,鑽石部分好似披肩咁,好突出女仔最性感嘅部位,即係鎖骨。(最性感部位唔係『事業線』?)如果只係睇『事業線』比較表面,我鍾意啲有內涵嘅。」她續說:「女仔有身材當然好,但好多男仔、宅男只係專注喺胸部,將女仔靚嘅一面,性感變咗粗俗,露鎖骨性感得嚟又健康。」當被追問婚期時,Mikki表示還未打算生小朋友,故沒有結婚打算,她說:「四十幾歲都可以生,我仲有十幾年。」

Lisa S.有樓揸手

另外,有指Lisa S.老公吳彥祖(Daniel)除了求婚戒指外,就沒有送過鑽石戒指給她,對此Lisa S.表示:「佢送咗架車畀我,但樓就冇,我都有自己嘅物業,我哋兩個都冇聯名戶口。」

Lisa S.又表示今日生日,會與好友Ana R.食午飯,晚餐則與老公二人世界。

採訪:名人組