莊思敏怕妹妹落選(火羅)爆
新聞多多的新一屆香港小姐起底陸續有來，昨日有讀者爆料，質疑「飛女精甩邊」Debbie Lau聲稱現時在嶺南大學進修，無非是想以大學銜頭來選港姐，並稱未聽聞Debbie自中五畢業後有繼續升學。雖然當時她有位美國富豪男友Kenny，但英文卻是「有限公司」。
讀者又踢爆Debbie不是富家女，讀書時期更以虛榮見稱，認識富豪男友後，即飛起窮學生男友。
另一讀者報料指「菲版謝婷婷」陳鈺芸（JuJu）的兩個Facebook fans網頁共有千二個fans，內裏更有JuJu和不少明星合照，雖然她還未入圍，但經常出席慈善活動，甚有港姐風采。
此外，昨日莊思敏出席理工大學活動，問到妹妹莊思明有否機會入圍港姐？她說：「一半半啦，冇聽過妹妹講有冇信心，希望佢入到啦，唔係都幾(火羅)！反而睇好『密實湯唯』入圍。」