JC投基仔懷抱禁室培慾

基仔再自導自演新歌《獨男》MV，演繹隱蔽青年的他，特別請來有「宅男女神」之稱的JC擔任女主角。為令宅男一角演得入型入格，並將宅男的幻想世界實現，和夢想中的性感女神在家中來個「禁室培慾」。

攬得好舒服

首次擔演MV女郎的JC豁出去，身穿超低胸惹火紅裙，大晒宅男朝思暮想的「警鐘胸」，又絕不忸怩和基仔作零距離接觸，兩人逼在一張梳化上，基仔被JC胸貼背的從後攬實，場面浪漫又火辣，而JC抱住基仔時大讚舒服，她說：「好似抱住一隻Bear Bear熊咁。」

二人在梳化上纏綿，場面火辣。

基仔在MV中演繹隱蔽青年。

太投入濕晒

基仔指挑選JC，全因覺得她是很多男性心目中新一代女神，又讚揚對方的演技，笑問基仔可有被「波餅」頂親？他笑說：「我感覺唔到，因為我太投入角色，加上又要兼顧導演工作，好多嘢忙。（有冇拍到濕晒……隻手？）Everytime都濕啦，我對手，係遺傳。」

JC透露首次擔任MV女主角，就可和基仔合作，感覺既開心又緊張，她說：「除咗男朋友外，我第一次同其他男人喺鏡頭前咁親密，我好耐都冇咁樣摸男友塊面啦。」JC又說拍過MV後，對演戲產生興趣。

文：音樂組