唐詩詠想搵專一男
崔建邦另一舊愛唐詩詠昨日出席活動時，被問到有指崔建邦再度追求她一事，詩詠坦言：「寫係咁寫！依家咁嘅狀況對大家最好。（會否接受？）未必係我最想要嘅類型，可能我老公係劉青雲咁，踏實、穩重同專一，（佢未有？）佢仲細，人會改。（你會否等他改？）唔會等，我有得揀！」
而崔建邦昨日坦言今次是回應與唐詩詠關係最後一次，他說：「同佢就好似家人咁嘅朋友，我都想成為一個成熟又踏實嘅人，（再追求佢？）冇咁嘅事，（希望佢搵到新的另一半？）今時今日唔想因我個名而對佢有任何障礙，希望佢可以喺工作、婚姻上搵到美好人生。」問他二人分手會否感可惜或後悔，崔建邦坦言：「年輕時我好多嘢唔識珍惜，包括事業、感情，依家會以另一態度面對。」