馬卓寧割臉留疤諗過死
「新八模」成員馬卓寧（Vibeke），九九年曾經遭神秘人襲擊，被從後以刀割臉，令她右邊臉上留有四吋長的疤痕。昨日她聯同其餘「七模」出席電影《五號停機坪》香港區選拔賽事，被問及此事她表現得猶有餘悸，一度情緒激動並淚灑當場，她說：「十六歲嗰年發生意外，畀人從後割花塊臉，我見唔到佢個樣，報咗警都查唔到原因同咩人做。」她坦言事件令她留下陰影，不時失眠甚至發噩夢，她激動說：「我有諗過放棄生命，但諗起會令家人傷心而打消念頭。（對演藝事業有影響？）一定有，不過依家醫學昌明，我都會嘗試變番靚。」
Hazel露黑底
而其餘「七模」在台上天才表演時表現騎呢，當中Betrys出場時無故扮作跌倒、Jeana則扮失戀谷眼淚但「無貨」、Hazel（前名Cora）穿熱褲跳勁舞時「露黑底」更涉嫌露毛、Hidy則表演瑜伽俯身強行露「事業線」。另外，Suki又突然拿出紙包奶類飲品說：「我表演一口氣飲晒包奶。」但期間奶水橫飛，她再說：「我係咪好癲呢。」而育有一子一女的Mia則表演吐「真心話」，她說：「我十六歲知道懷孕好難過，想落咗佢但又擔心對唔住小生命，我選擇咗放棄入娛樂圈夢想。今次我想實踐夢想，珍惜機會。」
文：影視組