馬國明咀女勁過韋小寶

楊怡、林峯、馬國明昨日到奧海城出席無綫新劇《談情說案》宣傳活動，在劇裏飾演花心男，先後與廖碧兒、沈卓盈、劉俐等有親熱及床上戲的馬國明，獲頒發「最花FIT男」獎項，馬國明講得獎感受時打趣說：「現實生活就係林峯！喺劇中畀我分番一杯羹。」事後馬國明自言現實中沒有條件做花弗男，問到是否暗指林峯花弗？他即謂：「唔係，我係話佢現實中多fans錫。（今次拍劇好艷福？）本年度最筍角色，未試過咀咁多同咁激，勁過韋小寶。」
馬國明有沈卓盈（右）及李綺雯主動黐埋身，艷福無邊。
馬國明有沈卓盈（右）及李綺雯主動黐埋身，艷福無邊。

林峯笑言妒忌馬國明，他說：「我啲咀戲，十年加埋都唔及佢一套多。（你現實多艷遇過馬國明？）自己都想勁，不過冇時間。」至於聲沙未好的楊怡，表示因拍此劇失去登台賺六位數酬勞機會，揚言要行泳衣騷補數。

林峯跪地向楊怡求婚，台下fans即時起哄。
  • 林峯跪地向楊怡求婚，台下fans即時起哄。
馬國明與廖碧兒在新劇中有大膽床戲。
  • 馬國明與廖碧兒在新劇中有大膽床戲。