港姐入圍名單尚未揭盅，已經是非滿天飛，「飛女精甩邊」Debbie Lau繼被爆疑似斷背後，昨日有讀者接力爆料，指Debbie有個富豪男友Kenny，生日送6位數鑽飾兼投資開美容院，暗示Debbie男女通殺！
今屆熱門候選港姐Debbie，昨日被本報踢爆是美容集團太子女，與洪天明舊愛Lillian是朋友，兩人齊齊參選港姐，Debbie又認識「巨胸法拉」梁筠兒（Bambi）、側田緋聞女友黃欣、o靚模傅千盈（Kawaii），還在生日P上連環扮咀女疑似斷背。
人氣急升的Debbie被讀者連番爆料，昨日又有指Debbie並不是富家女，聲稱Debbie背後有個「大水喉」男友Kenny，來自美國，家境富裕，為人低調，傳聞Kenny打本給她開設美容業務，生日P那天Debbie的一身6位數鑽飾，包括左手所戴的巨鑽戒和鑽鏈都是Kenny所送，爆料者並附上三張開P相，包括Debbie和Kenny的合照，還有Debbie的一身鑽飾富貴行頭。
本報致電Debbie好友Bambi了解，她力撐Debbie說：「Kenny係Debbie嘅前男友，佢哋拍咗兩年拖，但幾個月前已經分咗手。（Kenny係咪打本畀Debbie開美容院？）梗唔係啦，美容院全部都係Debbie屋企生意，做咗十幾年，Kenny知道Debbie屋企開分店，就投資做股東。（Debbie係咪收過Kenny幾十萬鑽飾？）生日禮物啫，分手之後已經還番畀佢，連美容院分店嘅股份都退番畀佢，一刀兩斷。」問Debbie是否斷背或男女通殺？Bambi說：「嗰日只係birthday kiss，佢鍾意男仔，依家冇男友。」
此外，「菲版謝婷婷」陳鈺芸（JuJu）亦被讀者爆料，指她曾拍迷你電影，在外國著名電影網站IMDb有她的資料，三圍34C、24、34，另有facebook，但只得20幾個朋友；據知JuJu曾參與國際性選美獲獎，好想代表香港做慈善活動，認為若有港姐名銜可幫助更多人，所以報名參選，她亦有信心獲獎。
採訪：音樂組