周秀娜鞭打男友勿近女色

早前周秀娜經常港日台三邊飛，前晚忙到連自己生日亦差點忘記，幸而她的男友Avis同一班同事特別為她準備禮物祝賀。Chrissie謂今年生日最忙，雖然要於工作中度過，但同事們送上驚喜的生日蛋糕，她感動說：「成班同事夾埋呃我話要上公司有好緊要文件簽，但原來佢哋買咗蛋糕同我慶祝，真係好開心同驚喜，工作幾辛苦都值得。」

拍拖遊韓國

問到男友有否送鑽石戒指定情，她竟笑說：「我送番鑽石皮鞭畀佢就真，打佢鞭鞭有力，等佢唔好再畀人影到同女仔親密相，用來警惕佢勿近女性。」雖然Chrissie自認是野蠻女友，但口硬心軟的她原來早已向公司申請假期去韓國旅行，她說：「每年我同男友都會去泰國，但依家局勢咁亂，就想改去韓國滑雪，可惜經理人遲遲未肯畀期。」

Chrissie計劃同男友甜蜜遊韓國。（資料圖片）

周秀娜生日許願，未知是否望新寫真集熱賣。

搭膊好正常

另外，昨日Avis於籃球比賽中奪得冠軍，他除了會送獎盃冧女友外，同樣是5月生日的他表示Chrissie已經訂了神秘禮物給他，還冧女友說：「佢可能訂咗架飛機，等我可以成日陪佢飛來飛去。」

當Avis知道Chrissie笑言要送鑽石皮鞭給他，直言會欣然接受，Avis再次澄清從沒「出軌」：「其實嗰次我冇攬女，只係搭膊頭，好正常！」

文：專案組