超欣4×100奪季軍獎牌送賭王

曾奪逾十次獎項

昨日超欣和三位同學做學校代表，參加於灣仔運動場舉行的《第七屆公民全港青少年田徑錦標賽2010》，競逐女子丁組4×100接力賽。現場所見，穿着跑鞋、身穿運動衫及短褲、梳了一條馬尾的超欣，賽前和同學們一起練習及做熱身運動，未有半刻鬆懈。比賽時，負責第三棒的超欣十分專注，跑時表情肉緊，最後超欣一隊獲得第三名。

當記者上前訪問時，超欣初時表現愕然，後仍有禮大方，笑容滿面接受訪問。超欣說賽前已有信心，因為和隊員合作多時，並曾奪得超過十次獎項，平均每星期練習一次，以前都有試過受傷擦損。對於今次奪獎超欣坦言十分開心，打算賽後和隊員吃飯慶祝。當問到母親為何不到場？超欣說：「媽咪有嘢做嘛。（頭先落雨有冇擔心取消比賽？）佢哋唔會，會照跑，仲好啦，咁夜涼爽啲嘛！」

對於賭王有否讚許她運動成績超卓？超欣一提起賭王即甜絲絲，展開天真爛漫的笑容說：「都有架！（送禮物？送咩？）都有，咩都有架！最難忘係會同我一齊食我最喜歡嘅日本菜。（送獎牌畀爸爸？）會呀！之前都有送，佢仲放喺屋企當眼處。」

超欣（左）負責跑第三棒，最後奪得季軍。

年紀輕輕的超欣，談到高興時即手舞足蹈，天真爛漫。

父親節食飯慶祝

對於有傳賭王六月正式上班，超欣即十分認真的思考了數秒才說：「我真係唔知，要睇佢意願。（父親節點過？）梗係要慶祝啦！都係食飯送禮物，送咩仲諗緊。」期間超欣提到很錫賭王時，身旁的同學們即搭着超欣膊頭說：「超欣都好錫我哋架！」可見超欣人緣甚好，確為校內風頭人物。之後，超欣離場時，有保鏢及保母上前護駕乘車離開。

何鴻燊	何超欣（左二）得獎後和隊員們齊齊合照，高舉勝利手勢！

文：名人組　攝：追蹤組