馬國明遇上低胸JC即硬
馬國明昨日偕Jessica C.（JC）出席環保汽車活動，由於JC穿上低胸衫出席，故身旁的馬國明即變得生硬不敢斜視，非常搞笑，事後他稱：「我之前都見過佢，但未試過咁近距離。（鍾意呢款女仔？）佢鬼鬼哋又咁靚，我諗係男仔都鍾意。（鍾意佢身材？）我鍾意啲古典味嘅女仔。」
早前有傳馬國明為李詩韻而跟胡定欣分手，他笑言：「我哋係非常好嘅螢幕情侶，佢都有提議孖住出去搵錢，但佢話最好做螢幕情侶。（即係拒絕你？）唔知呀，你哋幫我問吓佢，依家搵錢緊要啲，女朋友冇咁緊要。」
同場的JC除對馬國明的讚賞表示感謝外，亦讚對方：「佢好nice，喺台上又教我點樣可以講好啲同介紹我。（考慮中國男生？）我有男朋友啦。之前我都有同中國男仔拍拖，只要佢哋cute就得。」