Katy包機迎客請帖曝光

好事近的性感歌手Katy Perry,與未婚夫布蘭德將於十月舉行秘密婚禮,近日更派帖請親友預留一星期,包機接載出席見證。

去年九月於頒獎禮活動上一撻即着的Katy和布蘭德,拍拖以來一直打得火熱,男方於去年聖誕求婚成功後,二人最近終向親友派帖,不過帖上並沒寫明婚禮日期和地點,只請收帖人留起十月十八至廿五日以出席兩人的婚禮,稍後才會通知他們細節。據知,一對新人將包機接載眾親友到神秘地點,並逗留七日慶祝。

Katy好友Rihanna則指二人行禮的地點可能是布蘭德求婚成功、位於印度的果亞。

據悉現年廿五歲的Katy並不想大搞婚事,故只邀請了較親近的親友出席見證,她說:「我哋想好似飲酒節咁,啲人客狂歡後第二日就乜都唔記得,我哋想婚禮源自『愛』。」Katy還透露已找來著名時裝設計師John Galliano設計婚紗,她說:「我哋第一次拍拖就係喺巴黎睇佢嘅花生騷。」而準新郎布蘭德昨日就出席好友視星David Walliams的婚禮。

祖狄羅分兩次行禮

另外,去年底翻撻成功的祖狄羅和絲安娜美娜,傳出將於今夏在英國的格洛斯特郡舉行婚禮,之後還會在美國紐約舉行第二次婚禮,絲安娜已找時裝設計師妹妹Savannah設計嫁衣。同樣分手後復合的里奧勒度狄卡比奧和以色列名模女友Bar Refaeli,有指男方已計劃向女友求婚做老襯。

文:外娛組