王祖藍紅唇烈燄誓保兩點

祖藍憑《荃加福祿壽》成功出位，扮女人扮到開騷的他，將於7月尾殺入伊館舉行兩場《〝咪咁扮嘢〞王祖藍演嘢會Cho Lam Show Off Show》，早前祖藍黐上又長又卷的假眼睫毛，又將嘴唇搽得紅紅的扮女人影海報，更犧牲色相赤裸上身，只用一條黑間遮着兩點，祖藍更以他在《荃》節目中的角色Handelababy語調說：「露點！我接受唔到囉！」

滿足觀眾心靈

今次祖藍單人匹馬在台上發放笑彈，保證絕無廁所位，連海報都加上《荃》節目中的金句：「我接受唔到囉！」、「Are You Serious？」、「我好sad呀！」等，喪爆搞笑，祖藍說：「今次唔止會扮鬼扮馬，仲會扮呢扮路，一場絕無添加嘅純情棟篤笑，肯定可以滿足觀眾心靈美白嘅幽默體驗。」

票價玩三級制

除了海報夠搞鬼外，票價亦抵死地分為「低下階層價」$350 、「中產夾心價」$250及「山頂豪宅價」$150，夠晒玩嘢！

文：音樂組