楊紫瓊率韓星進攻威尼斯

第六十三屆康城電影節進行得如火如荼，「歐萊雅大使」Michelle抽空兩天出席盛會，接受各地媒體密集式訪問，晚上則盛裝踏紅地氈。Michelle到埗第一晚與全度妍碰面，令她非常興奮：「全度妍攞康城影后嗰年，啱啱係我做頒獎嘉賓，能夠喺一處咁有意思嘅地方再見，感覺好難得。（今年星光黯淡？）又唔可以咁講，年年大會方向都唔同啫。」而Michelle一如往年，將抽時間到附近的蒙地卡羅欣賞賽車。

對新片有期望

Michelle與韓國演員最近分外投緣，繼全度妍後，她計劃夥拍新片《劍雨江湖》的拍檔鄭雨盛，進軍八月尾的威尼斯影展，她表示：「呢部係我拍完《卧虎藏龍》十年後，第一部真真正正嘅動作電影，冇期望就呃你嘅。（鄭雨盛簽約你公司旗下？）佢係一個我好欣賞嘅演員，依家佢嘅普通話講得唔錯，唔排除大家再有合作機會。」

姜文趕湊熱鬧

至於Gucci則為馬田史高西斯舉辦康城派對及晚宴，一眾名人包括全度妍、名模娜奧美金寶、珍妮花露柏絲與丈夫Marc Anthony等皆穿上Gucci新裝赴會，場面熱鬧。　

另外，由英皇電影投資的新片《讓子彈飛》趕及關機，導演姜文決定大手筆花上超過五百萬人民幣，包專機影片空運到康城宣傳，不過主角周潤發及劉嘉玲將缺席。而賈樟柯新片《海上傳奇》在康城賣埠成績不錯，更由法國知名公司MK2獲得國際發行權。

文：影視組