Stephy半裸凸肚拍寫真

鄧麗欣（Stephy）昨日以「健康人生大使」身份到奧海城出席「兒童金口獎」作文及演講比賽啟動儀式，Stephy透露今年書展不會出書，但並不是因去年寫書錯字事件影響，更興奮謂最想推出一本懷孕寫真集：「我覺得大肚嘅女人好靚，同埋我最多只會生一個，所以好值得留念，不過如果我大肚都要等十年八年後！（全裸上陣？）半裸機會大啲，點都會露個肚，因為藝術性啲！」

另外，盛傳某單位有意邀請Cookies其餘五位餅碎舉行演唱會，Stephy透露一兩年前曾聽過該傳聞，但她跟Angela（區文詩）聯絡時對方並沒提及，Stephy又言：「我仲聽講主辦單位想請我哋四個做嘉賓！（同傅穎同台？）唔介意，因為九個女仔齊晒好難得！」