四哥唔心急影全家福

謝賢(四哥)誇口指Quintus長得十分似自己,昨日謎底揭盅,證實四哥沒有說謊。問到可會因此偏心細孫?他笑謂:「個個都係自己孫,個個都錫!(鍾唔鍾意細孫英文名?)霆鋒改嘅,梗係鍾意啦!」

四哥又開心地說早已看過Lucas兩兄弟的合照:「唔靚都唔發畀大家啦!佢哋影相嗰日冇通知我同拉姑,但唔緊要,全家福大把機會影,都唔急在一時啦。影咁多相,你估拍廣告咩?」他又謂近日不時手持攝錄機,拍下Quintus的成長點滴。

另外,有指Lucas發燒,四哥回應:「佢喺醫院纏住人玩,走嚟走去唔肯瞓覺,咪攰到發燒囉!結果畀老竇『的』咗返屋企休息,依家已經冇事,佢又嘈住想返醫院囉!」