夏韶聲前晚再踏紅館與一班band友開騷，爆粗組合LMF收起平日怒火，雖然有成員穿上粗口T恤，但未有爆粗及晒中指之餘，更唱出柔情版《大懶堂》。夏韶聲說：「佢哋係後輩亦係我朋友，仲係我個女嘅偶像。」夏韶聲最後拖着神秘嘉賓泰迪羅賓出場。他在慶功宴上坦言開一場騷唔夠喉，問到會否舉行巡迴個唱？他說：「有諗過，但今年比較忙，仲好耐冇返美國見老婆。」
