華哥睇到眼冤走先
出爐影帝任達華工作忙碌，昨日抽空現身奧海城為新片《熱愛島》招募演員活動，擔任評判揀「新血」，信和物業管理有限公司總經理（商場推廣）蘇蔡潔蓮亦有出席。活動吸引百多名年輕一族參與，當中參賽者不乏騎呢打扮，又模仿經典人物。
大合照熱身
為減輕參賽者的壓力，華哥於賽前先與眾人大合照熱身。面對一眾參賽者模仿沈殿霞、林亞珍等經典人物來取悅評判，華哥另有一番見解：「突出未必一定好，要內心有團火，好似太陽咁熱，有冇心去演好戲囉！」
監製張承勷表示，該片投資約二千萬，除華哥外，會透過招募挑選兩男兩女，稍後還會加入韓籍演員，屆時會到菲律賓、韓國、澳門及香港取景，預計於今年暑假開拍。
事後看錄像
芸芸參賽者中，除了靠打扮出位外，還有一些無厘頭表演，如控球、耍功夫，亦有人表演行路、講冷笑話等，引得台下人士笑聲不絕。不過身為評判之一的華哥於比賽期間不見蹤影，事後他謂：「因為我有嘢做要走先，大會會錄低畀番我睇㗎。」
文：影視組