千嬅爆老公睇通勝造人

千嬅昨日以閃爆造型現身簽約「娘家」華星儀式，請來1995年參加新秀賽時的司儀鄭丹瑞擔任主持，千嬅父母亦有助陣，但老公丁子高就因工作未有現身，惟有同步於微博傳情大叫：「恭喜老婆！」記招上擺滿千嬅成長照片，她說：「啲相冇執過架，超級驚嚇，如果老闆當年見到應該唔會簽我！」

睇邊個生肖夾

千嬅透露將於8月推出國語碟、10月舉行個唱及預留檔期拍攝可歌可泣愛情片，而個唱更首次殺入內地搞巡迴演出，生仔大計惟有讓路。對於有雜誌拍得千嬅與老公街頭激吻，更指丁子高猴擒，千嬅說：「雜誌就猴擒，佢哋好好人，見我年紀日益增長仲急過我！你估青蛙咩可以單性繁殖，有mood先得架，其實都有計劃，合約冇限制生仔，佢（丁子高）唔會逼我，係成日拎本通勝出嚟睇，睇下邊個生肖夾自己。（佢話要生『兔仔』喎？）係呀，我咪答好呀、好呀囉！」

千嬅的父母也來捧場。

千嬅簽約，請來鄭丹瑞做司儀。

親情價唔講金

成為公司重組後第一位歌手，千嬅就說：「好開心，再返到嚟係夢想成真，其實冇話一唔一姐，梅姐（梅艷芳）永遠係大家姐，（拉攏其他同學回巢？）要靠公司喇！」千嬅又言以「親情價」簽約兩年，實行講心唔講金。問舊老闆黎明有否送上祝福？千嬅就言與黎明依舊為一家人，對方仍會幫她負責發行。

有此一著

千嬅晒肩回「娘家」，一身Dress33的tube-dress打扮，腳踏Rodarte高踭鞋，加上閃爆首飾，高貴當中帶點少女味，黑色腰封將千嬅fit爆身形完美展示人前，惟敗筆之處略為有點上輕下重感覺。

採訪：音樂組