徐子珊谷咪殺晒
近日新一屆港姐舉行面試備受注目，但一班前港姐師姐亦有殺着，前晚聚首一堂，爭妍鬥麗鬥性感，徐子珊谷胸兼露黑bra邊，揮低僅露肩的葉翠翠。
前晚徐子珊、葉翠翠、周美欣和陳倩揚、諸葛梓岐與男友等出席活動，其中尤以子珊和周美欣最為性感，穿上低胸單肩晚裝的子珊，力谷咪咪甚有睇頭，惟不慎露出了內裏的黑bra邊，當她得悉後已即時用手遮掩。子珊解釋已做足防走光措施，貼了膠紙，估計可能近日拍戲消瘦了，裙身才會較鬆。
主動出擊識男仔
翠翠從網上訂購英國黑色tube dress短裙，由於僅露肩膊性感不及子珊，她轉而出口術，揚言要趁昨晚主動出擊認識有條件的男士：「我去過幾次呢啲晚宴，識唔到人㗎，因為我哋都係成班女仔一齊坐，冇人敢走埋嚟，唔通埋嚟問你拎電話咩？畀人笑都笑死啦，我自己又唔會主動走去同人搭訕。（試過遇到鍾意嘅主動出擊？）未試過，不過我都想試下，若果今晚（即昨晚）真係遇到好條件嘅男士都想試下主動去傾偈識佢，我夠膽做㗎！」
諸葛拖仔冇嘢講
陳倩揚亦有留意今屆港姐面試，但只睇過相故不能妄下評論，但對長髮的「高版桂綸鎂」較有印象，身為過來人的她，指大會會要求她們不要透露更多私事，但有信心是好事。對於模特兒莊思敏的妹妹Lisa也參賽，她覺得有圈中人提點會有幫助。
同場的諸葛梓岐與Neway二太子薛嘉麟十指緊扣出席，未知是否男友在旁，諸葛一改善談作風，沒有接受訪問便匆匆入場。
文：名人組