江若琳撻着陳鍵鋒：佢性向正常

陳鍵鋒、Elanne、謝天華、陳倩揚、陳山聰、馬賽、徐子珊和馬德鐘等昨日為新劇《洪武三十二》開鏡拜神，由於前晚有爆料指Elanne與鍵鋒拍《洪》劇撻着，二人頓成全場焦點。爆料者除指二人共飲一支水外，又指Elanne在微博中以「BoBo（寶寶）」暱稱鍵鋒；爆料者更對鍵鋒性取向有所暗示。據知情人士透露，鍵鋒早前拍攝《學警狙擊》時已對Elanne情有獨鍾，除羨慕吳卓羲能與Elanne拍檔外，又不避嫌經常大讚對方靚女。

小動作好Man

對於種種傳聞，Elanne笑謂：「黐線！咁搞笑？邊有可能呀。」她說絕不會與男性一支水兩份飲，並強調與鍵鋒沒有微博傳情。談到「寶寶」暱稱，她自爆謂：「鍵鋒喺劇入面叫三保呀嘛，我改嘅！」雖然否認緋聞，但Elanne卻為鍵鋒性取向遭質疑大感不值：「點解你哋咁質疑佢性取向？我覺得佢好正常，佢有啲小動作都好Man，呢個爆料太夾硬。」

馬賽（左起）、李思欣與陳倩揚誠心上香。

謝天華（左起）、徐子珊與馬德鐘古裝扮相不俗。

熱情唔係姣

至於鍵鋒，亦同樣否認緋聞，並力撐Elanne只是「熱情」並非「姣」：「佢性格外向，開工同大家打成一片。（話佢改變你性取向）咁嚴重？我取向從來冇變過。（有冇發展可能？）所有靚女都有機會，我嫌佢矮咗啲。」未知是否求「甩身」，鍵鋒更大爆Elanne在微博中與眾多靚仔有「來往」：「佢同好多男人都有來往㗎，好似謝天華、陳山聰咁。總之傳緋聞好過傳不和，我依家happy到爆。」而同劇的陳倩揚，則透露稍後會向馬德鐘獻上螢幕初吻。

此外，陳鍵鋒因和林心如合作拍劇，被fans惡搞結婚相，又將兩人的樣貌做合成B相，連胡杏兒看了也留言讚可愛。

文：影視組