岑潔儀搵o靚模性感宣傳

岑潔儀（Zoey）、梁俊軒（Bonald）及林雋健合資六位數字於尖沙咀開設時裝精品店BeOK'z。三人相識多年，今次一拍即合，但萬事起頭難，最初不論辦貨、選地板及髹漆都由他們一手包辦，亦難免會有拗撬，幸而最後問題都迎刃而解。

親力親為

Zoey謂︰「舖頭入面嗰啲i-Phone殼係我自己一手一腳黐架！黐到我鬥雞眼，搵啲裝飾都唔易，我返內地之餘，仲去深水埗同網上搵，不過啲貨真係好貴，所以都搵得好辛苦。」說到舖頭位處商場人流較少，問她怎樣宣傳？Zoey說︰「我都有搭膊頭叫啲藝人朋友嚟影相，開張時都會搵o靚模朋友派傳單，仲會叫佢哋到時性感啲，（咁你?）我自己唔會，依家已榮升老闆娘嘛！」Zoey又不諱言之前不少fans上來撞她，坦言希望他們之後會幫襯。

岑潔儀、梁俊軒（左）及林雋健（右）相識多年，今次合資六位數字開舖，一嘗「老闆癮」。

Bonald稱出專輯時會着舖頭的時裝，以作宣傳。

實現夢想

至於Bonald五月中會推出專輯，他表示屆時會着舖頭的時裝，以作宣傳，他說︰「平時自己都好鍾意買衫，趁後生有機會，都想試吓過老闆癮！」而阿健表示開舖頭是自己夢想，不過之後他與Zoey要去拍電影，而Bonald又要出碟，屆時可能要請人幫手。

文︰影視組 攝︰林　楠