伊健keep靚仔樣被迫剃鬚
今年43歲的鄭伊健在新片中飾演余安安兒子，對於觀眾是驚喜，但對伊健卻是驚嚇，安安埋位即「恐嚇」伊健迫令他剃鬚。已為人母的安安就首次扮「道友」角色，故要向兩個囡囡備案。
鄭伊健入行二十五年，拍過很多電影，飾演過無數次「兒子」角色，可謂駕輕就熟，但最近他卻遇上大難題，因為他在新片《飛砂風中轉》中，飾演年齡與他只相差八年的余安安兒子，他說：「當我知道安安姐做我阿媽，好驚。佢喺我心目中係長青美人，我哋只係相差幾年，所以好大壓力。」
身旁的安安說：「今次我睇咗個劇本，我扮演一個好喪好瘋癲嘅吸毒女人，好大突破，而且個故事有創意，所以我肯拍。」
伊健更踢爆第一日與安安見面，即被對方恐嚇：「你一定要剃鬚，一定要靚仔，唔好影衰我呀！」安安聞言哈哈大笑說：「我返屋企要同啲女交代架！」
要向囡囡交代
安安因在《飛》片飾演吸毒喪婆，故要向家中的囡囡交代，她說：「我16歲入行，一直都係飾演靚女角色，今次呢個大突破，事前要向囡囡講清楚，好彩戲中我最後改邪歸正，好有教育意義。」伊健透露第一日與安安見面就拍母子重逢場面，而且劇情由抱頭痛哭到嗌交反面，令他們嗌破嗓子，伊健說：「安安姐真係好有演技，第一日埋位未熟習對方，但已經好投入，加上造型又癲又喪，睇得出佢做好功課。」
採訪：專案組
攝影：沈健程
化妝：Hetty Kwong
髮型：Alex Wu
場地：Marco Polo Hongkong Hotel