雙Jin鬼味相投賣大包
ABC Rapper歐陽靖（MC Jin）與新加坡唱作人陳奐仁（Hanjin），「鬼」聲「鬼」氣一見如故，即將以「雙Jin」力量攜手將火花變煙花，誓將「1+1」變成3。
即將於六月四日合作舉行MOOV LIVE騷，MC Jin第一句即興奮說：「我生日！」但講明當日禮物、蛋糕、七彩氣球統統不要，純音樂分享已是他最好的禮物，他說：「原本可以揀日子，但我話就四號啦，咁嘅經驗唔係成日有，好難得，但騷名我唔想係『MC Jin×陳奐仁』，想用『MC Jin and 陳奐仁』！」Hanjin更以「1+1=3」形容兩人關係，他笑言：「點解等於3？即係有着數囉，鍾意睇有型仔有型仔，唔鍾意仲有肥仔，買一送一呀！」
遙距戀愛苦
「雙Jin」合作舉行音樂會以非主流歌曲唱出感受，歌可以隨身聽，但現場欣賞「性情真人騷」實在難得，不時到夜店出席活動的MC Jin，身邊美女氹氹轉，年僅廿七歲的MC Jin向來「Nice」行頭，埋身、搭肩頭？當然男女不拘、來者不拒，實在令不少人誤會他性格開放，不過事實剛剛相反，MC Jin屬於甚有分寸的「80後」，他的心早就留給未婚妻，提到愛人會否來港捧場，MC Jin忽然收起笑容大叫好苦，他說：「唔會喇，咁遠！真係好慘o架，成日都見唔到！」
一凹一凸的性格意味合作上充滿火花？Hanjin說：「火花仲未有，要等嗰日先爆出嚟！」調皮的MC Jin即反問說：「咁依家係咩花？煙花？豆腐花？」爆發一刻需要等……證明「雙Jin」何太急。
文：陳寶
攝：吳文聰