林保怡懶理忠奸只求好戲
林保怡近年演了不少奸角，不過他希望觀眾不要用忠和奸去分辨角色，在劇集《掌上明珠》中，他演精神分裂的朱祥興，日前才聽到監製表示，掌的意思是指劇中女角商天娥、宣萱等被他玩弄於手掌之中，他說：「觀眾睇戲要睇整個角色發展，唔應該咁快判斷角色係忠定奸，依家收視雖一般，但好嘅劇一定多人睇，希望會有扭轉。」對於「視帝」獎項，他謂：「都攞過啦，我又唔恨，攞個獎返屋企都冇碇擺。」
另外，有指他戲中的老婆商天娥是「惹火」女郎，與拍檔傳不和，保怡維護她說：「娥姐性格太直，一唔鍾意就出聲，佢都係我前輩，我好尊重佢，只不過有人聽得入耳，有人聽唔入耳，人哋接受唔到，咪少啲出聲囉！」之前他與楊謹華、張赫等在上海拍攝《愛上女主播》，稍後會再到上海拍劇集《金枝玉葉》。
場地：AMARONI'S Little Italy（又一城）
服裝：Guess