肥媽孖查小欣自製叉燒包
肥媽一向拿手炮製美食，間中可以和朋友一同交流煮食心得兼拍攝節目已成為她的興趣。早前肥媽相約相交多年的查小欣一同下廚，肥媽說：「老實講，人到咗我呢個年紀，可以同朋友食吓飯，返到屋企一家大細齊齊整整圍埋餐枱比乜嘢都要開心，我屋企真係好熱鬧，經常都會一家十幾口食飯，至於同班老友煮嘢食都好開心，交換吓心得嘛。」
而小欣姐亦坦言愛烹飪，雖然工作繁忙，但經常都會抽空下廚煮幾味和老公撐枱腳，笑言絕大部分的美食都難不倒她。肥媽表示：「我哋都鍾意煮，同好多朋友傾開，大家都有個同感，唯一唔願喺屋企整嘅係鮑魚，因為太多工夫唔划算，平時我哋連叉燒包都自己整，但鮑魚真係太浪費時間，要食都係去酒樓啦。」