阿肥腸穿肚爛死得正

人氣網站ontv的娛樂新聞又快又新，而且猛料如雲，又有名人紅星深情專訪，難怪點擊率屢創新高。

感受男人之苦

日前三大型男周俊偉、連凱和阿肥，接受由俞詠文主持的《娛樂on Show》訪問，暢談話題三級電影《維多利亞壹號》的拍攝苦況。

周俊偉和阿肥在戲中都不得好死，而且死得轟烈，他說：「我會畀超儀捅咗幾刀，然後再切走假陽具。（感覺點樣？）自己都好似冇咗囉，（平衡自己心理？）拍第一個Shot嗌得好癲，因為感受男人之苦，嗌到傻咗，但原來導演話我已經畀超儀捅咗幾刀，所以應該死死哋。」

周俊偉（左）、連凱（左二）和阿肥接受《娛樂on Show》專訪，與主持人俞詠文言談甚歡。

阿肥在戲中被何超儀殺死。

習慣豬腸氣味

而阿肥在戲中飾演毒品拆家，他表示會「腸穿肚爛」地死，他說：「我哋每個都死得好正，本來用假腸拍攝，但為咗達到導演要求，決定每朝去街市搵啲豬腸同內臟，一大抽帶去拍攝現場，起初仲以為煲湯飲，後來先知係拍戲用，嗰幾日我『與腸同眠』，（鍾意豬腸？）冇討厭囉，仲對陣味習慣咗。」而連凱就負責戲中特技化妝。要知道三個型男在戲中死法如何？想知道拍攝時他們的苦況？就要密切留意《娛樂on Show》的藝人專訪。

文：專案組