麥浚龍晚節不保死都爆粗

何超儀投資兼主演的新片《維多利亞壹號》，以三級血腥和暴力掛帥，喺外國影展播放時更有觀眾暈倒送院。何超儀與麥浚龍首次合作便擦出火花，雖然麥浚龍原有角色被何超儀佔了，但無損二人感情，麥浚龍說：「佢好鍾意個角色，咪一齊做囉。」

爆粗合情理

戲中除了血腥暴力，粗口亦難免，何超儀說：「因為我飾演一個社會上嘅失意者，講粗口都合情理。但其實彭浩翔喺戲入面就對住我不停講粗口，我又唔覺得啲咩，因為佢平時好斯文，反而覺得佢講得唔順。」而麥浚龍亦被彭浩翔要求說「你個臭X」，麥浚龍說：「我初頭拒絕，因為覺得個字好侮辱。但最後都要講，我喺臨死一刻好快咁講咗去，所以唔係好清晰。」

此外，彭浩翔亦要何超儀在戲中剝衫只戴胸圍上陣，何超儀說：「佢冇直接要求我，叫副導演開聲，我最後冇應承，佢都係想博一博先咁問。」

對於何超儀戲中一場被陳奕迅搓胸的床戲，何超儀說：「唔尷尬，拍前講過一次就埋位，我都唔知佢會點做，佢鍾意點就點啦。期間仲有工作人員幫佢扮有生理反應。我仲問佢如果導演唔cut機會點，Eason話可能會伸埋條脷出嚟喎。」

何超儀思想前衞，卻拒絕只穿胸圍出鏡。

何超儀笑言搶了麥浚龍的角色來演，要感謝他禮讓。

拒內褲示人

此外，麥浚龍也遭遇雷同，被攝影師夏永康要求拍攝海報時除掉褲子，他說：「佢問我介唔介意着內褲影，我話介意o架！好耐之前合作，佢試過叫我連底褲都除埋。」

文：影視組