基仔福Tee囊括善心

青海玉樹大地震發生以來，不少藝人都自發性作出慈善募捐，一向愛心爆棚的基仔被捨身救人的香港義工黃福榮所感動，早前特別設計以「SPIRIT」為名的慈善T恤，今次並沒有出動愛子「Kubi」，相反以背囊成為T恤主角，並寫「Love Lives Forever」及地震發生的日期，以紀念當日為救人捐軀的阿福。

延續阿福精神

在基仔勞心勞力的安排下，最終於三星期內趕及完成，基仔說：「其實好感激工廠方面為咗今次慈善，特別畀我哋插隊趕印呢批T恤，而MOOV Shop又幫忙喺網上義賣，真係多得大家合力幫手。」基仔透露慈善T恤每件售價$180，義賣收入將不扣除成本，全數捐贈「香港紅十字會黃福榮傳愛基金」。

問到T恤上背囊圖案的用意，基仔表示T恤的靈感來自阿福，他說：「我知阿福做好多年義工，我做完資料搜集後，發現佢每次做義工都係孭背囊，所以就成為今次T恤個主題。」基仔表示希望大家能夠「背負」住阿福的精神，一直保持捨己助人的熱心延續下去。

採訪：音樂組